Harti Organisasi jeung Conto Téks Rapat

Organisasi

Organisasi téh hartina pakumpulan, paguyuban atawa susunan jeung aturan rupa-rupa bagian (badan atawa pakumpulan) nepi ka sagala bisa jalan lancar. Sedengkeun istilah orgaisasi nyaéta istilah anu aya patula-patali jeung organisasi, misalna waé kecap-kecap : pupuhu hartina ketua, girang serat hartina sekretaris, panata harta sarua jeung bendahara.

Conto téks rapat

Miéling Isra jeung Mi’raj

Komar mangrupikeun Ketua OSIS SMAN 21 Garut anu kapancénan tugas pikeun mingpin rapat dina raraga persiapan miéling Isra Mi’raj. Jalanna rapat sapertos kieu:

Komar                         : “Assalamu’alaikum Wr. Wb. Bapa Pembina OSIS anu kusimkuring dipihormat. oge réng-réngan pangurus OSIS SMAN 21 Garut anu parantos sumping dina ieu saat. Mangga urang buka waé ieu acara rapat ku maca basmalah sasarengan.

Sadayanana     : “Bismillahirohmanirrohim”

Komar             : “Mangga urang langsung baé kana inti acarana nyaéta nangtoskeun naon waé kanggo acara Isra Mi’raj”

Aap                 : “Lebetan ti simkuring mah. Dina engké acara Isra Mi’raj téh dieusian ku acara lomba-lomba, sareng ngulem ustadz/ustadzah kanggo dakwahna”

Deden             : “Ari anu kitu mah, asana mah tos teu patos anéh ti taun kamari ogé. Kedahna aya anu benten deui. Sangkan henteu monoton.”

Lia                   : “Punten kasadayana, saur abdi mah sateuacan nangtoskeun acarana mangga urang ngadamel susunan panitiana. Supados janten tangtos.”

Pak Pepep       : “Muhun leres.”

Pangurus         : “Satuju…”

Dina salami rapat seueur pisan lebetan-lebetan ti anu ngiringan rapat. Sareng tos lami, rapat tos badé dugi kana akhir waktosana.”

Komar             : “Muhun, usulan ti sadayana parantos katampi. Ayeuna simkuring urang bacakeun baé hasil rapatna. Pupuhu kagiatan miéling Isra Mi’raj nyaéta Lucky, girang serat nyaéta Iis, sareng panata harta nyaéta Hastoro.”

                        “Acara kanggo rapat ayeuna ditutup heula, enjing dilajengkeun deui. Wassalamu’alaikum Wr. Wb.”

Rapat nyaéta ngaréngsékeun hiji masalah anu teu acan karéngsékeun, ku jalan dimusyawarahkeun antara pupuhu jeung pangurus.

Dina rapat aya:

1.        Pupuhu, nyaéta anu mingpin rapat.

2.        Notulén, nyaéta anu nulis sagala hal anu patali jeung aya dina rapat.

3.        Peserta, nyaéta anggota atawa pembina éta organisasi anu ngiluan rapat.

Baca juga:

7 (tujuh) Kelemahan Manusia (Karena Manusia itu Lemah….)

Conto Téks Panumbu Catur dina Acara Ngadeuheuskeun Pramuka di Sakola dina Raraga Ningkatkeun Kualitas Pendidikan

Lalampahan ka Lingkung Seni Singa Depok Budaya Mekar dina Kagiatan Saba Budaya

Percobaan Konsep Fisika dalam Permainan Anak-anak

Download Kumpulan Soal dan Pembahasan UN Fisika SMA IPA